Article # 32
(In Roman Urdu/ Hindi)
Janazay gate se nikaltay hain
Laikin rooh to gate se andar nahi aati
Laikin rooh to gate se andar nahi aati
Magar aik maa nahi manti
Writer: Azhar Azmi
(Aik ishtehari ki batein)
Yeh waqt bhi ajeeb hai. kahin khushion ke mailon mein Khanakti hansi hoti to kahin gamoon ki saf e maatam mein noha kinaan cheekhain aur dil cheer dainay wali shiskiyan rooh taq ko jhnjorh deti hain. waqt woh kuch kar guzarta hai ke hum sochen to saans ruki ki ruki reh jaye magar jab guzarti hai to saans chalti rehti hai. yahi karkhana e qudrat ki hikmat hai .
Meri aik Aziza hain. bewa hain. pehlay jawan beta do betay chore kar manon matti taley ja soya hai aur do teen saal mein baap ne isi qabrustan ki aik qabar ko abad kardiya .
Jab betay ka intqaal hoa to hamari yeh Aziza har jumaraat maghrib ke waqt ghar ke barray gate ka chhota pitt halka sa khol ke baith jaya karti theen. mumkin hai ab abhi aisa karti hon. aik din mein isi waqt un ke paas betha tha. mein ne be pardaghi ke khayaal se gate ka pitt bhairna chhah to bolein" nah beta yeh band nah kar woh aata hoga ". mein ne kaha aaye ga to darwaaza khut khatta le ga" bolein" ab darwaaza kahan khut khatata hai" mera khayaal tha ke woh apne chhootey betay ki baat kar rahi hon gi jis ke office se anay ka waqt ho chala tha. chand lamhay khamosh reh kar bolein" aaj jumaraat hai. dekh mein ne bead wala kamrah bhi saaf suthra kardiya hai" .
Mein ne kaha kis ki baat kar rahi hain. chhota beta to oopar rehta hai ". bolein" aaj jumaraat (Thursaday) hai. is ( barray betay ) ki rooh aaye gi. mein har jumaraat ko isi terhan gate ka pitt khula rakhti hon. darwaaza band dekh kar kahin chali nah jaye aur dekh is ka bead room bhi saaf suthra kar ke rakhdiya hai. aaye to kuch der aaraam kar le ". mein ne kaha ke aap andar hi baith jaya karen. bolein" nahi mein chahti hon ke jab woh gate se andar aaye to sab se pehlay mujhe dekhe ". mein ne kaha ke chalein woh dekh laita hoga magar aap kaisay dekhatii hon gi. barray yaqeen se kehnay lagen" woh jaisay hi aata hai mujhe pata chal jata. maa hon, khusbhoo ajati hai. chehra to har waqt meri nigahon mein rehta hai. aakhri baar woh isi gate se to bahar gaya tha. ab bta mere paas nahi aaye ga to kahan jaye ga" .
Ab mein un ko kya batata ke janazay gate se jaya karte hain. rooh ko kisi gate / darwazay kayi kahan zaroorat hoti hai lekin mein aik maa ki mohabbat gate har rokna nahi chahta tha. mera suber jawab day raha tha. is liye khamoshi se uth kar agaya. jatay jatay bolein" arrey ruk! kahan ja raha hai. woh aata hoga. tujy bhi dekhe ga to bohat khush hoga ". unhon ne itnay pyar se kaha ke kuch kahe bana jana buri baat thi. mein ne bahana kya ke mujhe aik zurori kaam yaad agaya. bolein" dekh ab yeh jumaraat jaye gi to agli jumaraat ki aas mein din ginu gi" .
Mein chahte hue bhi nah ruk saka aur num aankhon ke sath gali mein aa khara sun-hwa aur sochnay laga ke jin ke betay un ki aankhon ke samnay abdi rakhat safar bandh len woh zindah kaisay rehti hain? saans kaisay layte hain? jawab khud hi agaya inhi yadoon kay saharay geeti aur sanas laiti hain.
No comments:
Post a Comment